Билим юртида мавлид тадбири

Билим юртида Расулуллоҳ соллаллоҳу алайҳи васаллам таваллуд топган ой муносабати билан “Тасаддуқ, ё Расулуллоҳ” мавзусида жорий йил йил 22 октябр куни тадбир ўтказилди. 

Тадбир Наманган шаҳридаги Диёр тантаналар мажмуасида бўлиб ўтди.

Тадбирда ЎМИнинг вилоятдаги вакили, билим юрти ўқитувчи, ходим ва талабалари ҳамда вилоятдаги бир гуруҳ нуроний отахонлар иштирок этдилар. 

Кириш сўзида Абдулҳай домла Турсунов шундай осойишта кунларга етиб келаганимзга шукроналик билдириб, муборак Рабиъул аввал ойи яъни Расулуллоҳ соллаллоҳу алайҳи васаллам таваллуд топган ой ҳақида сўз юритиб, бу ойда барчаларимиз оламлар сарвари, бутун инсониятга охирзамон пайғамбари қилиб юборилган Муҳаммад алайҳиссаломнинг сийратларини, ҳаётларини янада кенгроқ ўрганиш, ҳар бир амалимизда у зотга эргашиш лозимлиги ҳақида айтиб ўтди.  

Шундан сўнг Абдулҳай Турсунов томонидан иштирокчиларга Пайғамбар соллаллоҳу алайҳи васалламнинг сийратлари, хулқ-атворлари ҳақида сўз юритиб, “Буюк хулқ соҳиби”, “Оламларга раҳмат пайғамбар” мавзуларида батафсил маълумотлар берди. 

Шундан сўнг билим юрти ўқитувчиси Обидхон Икрамов раҳбарлигида бир гуруҳ талабалар томонидан Пайғамбар солаллоҳу алайҳи васаллам сийратлари суннатларига доир шерлар ўқилди. 

Тадбир якунида Расулуллоҳ соллаллоҳу алайҳи васалламга бағишлаб Имом Барзанжий томонидан ёзилган мавлид манзумаси ўқилди. 
Тадбир Расулуллоҳ соллаллоҳу алайҳи васалламга муҳаббат ва у зотнинг суннатларига эргашишлик йўлида яна бир қадам бўлди.  

Тадбир сўнгида А.Турсунов томонидан Пайғамбар солаллоҳу алайҳи васаллам суннатларига амал қилиш, ҳар бир жабҳада мукамал инсон бўлишга интилиш шунингдек, юртимиз тинчлиги, унинг осойишталиги бардавом бўлишини сўраб дуолар қилинди.

Билим юрти матбуот хизмати