Bilim yurtida uchrashuv bo'lib o'tdi

Joriy yil 10-noyabr kuni bilim yurti talabalari va ustozlari ishtirokida taniqli shoir, yozuvchilar uyushmasi a’zosi, “El-yurt hurmati” ko’krak nishoni sohibi Ziyovuddin Mansur bilan uchrashuv bo‘lib o‘tdi. Uchrashuv ochiq muloqot tarzida o‘tkazildi. 

Shoir Ziyovuddin Mansur o‘z so‘zida keyingi paytda yurtimizda yoshlarga bo‘lgan e’tiborning kuchayganligi, ularni har tomonlama qo‘llab quvvatlash hamda “Salomlashish – eng ulug’ qadriyat”  va “Or-nomus – yigit ko’rki” mavzularida suhbat o’tkazildi.

Davra suhbatida shoir Ziyovuddin Mansurov “Salomlashish – eng ulug’ qadriyat”,  va “Or-nomus – yigit ko’rki” mavzularida so’z yuritib, uning mazmun mohiyati va istiqboldagi samarasi haqida to‘xtalib o‘tdi.

Muhtaram yurtboshimizning g‘amxo‘rliklari va sa’y-harakatlari ila yoshlarni ilm-ma’rifatli, odob-axloqli etib tarbiyalashga juda katta e’tibor qaratilmoqda. O‘z navbatida, yoshlarimizda keksalarga bo’lgan yuksak ehtirom tuyg’usi hamda insondagi halollik, to’g’riso’zlik, rostgo’ylik, Vatanga sadoqat, ajdodlarimizning yuksak xotirasiga hurmat tuyg’usida tarbiyalash asosiy vazifa bo‘lib qolmoqda. 

Albatta, bo‘lajak imom-xatiblar bugungi kun bilan hamnafas bo‘lishi, Islom dini ta’limotilarini tarannum etishga jiddu jahd qilishi, yurtimizda va jahonda ro‘y berayotgan voqea-hodisalardan xabardor holda doimo hushyor va ogoh bo‘lishi lozim.

Uchrashuv davomida muallifning o’zi yozgan Vatanga muhabbat, ajdodlarining boy merosini asrab avaylash hamda inson va tabiat mavzularini tarannum etgan o’z she’rlaridan o’qib berdi hamda talabalarning ijod zavqi, shoirlik mas’uliyati, so’zning qudrati mavzularida bergan savollariga atroflicha javob berildi. 

Suhbat so’ngida  taniqli shoir Ziyovuddin Mansur talabalar va ustozlarga o’z ijod namunalaridan taqdim etdi.

Tashkil etilgan ochiq muloqot va samimiy suhbatdan ishtirokchilar o‘zlariga ko‘plab ijobiy taassurotlar oldilar. Uchrashuv samimiy va  ko‘tarinki ruhda o‘tdi.

Bilim yurti matbuot xizmati