Olamlarga rahmat paygʻambar

Joriy yil 27-sentyabr kuni “Hidoya“ o‘rta maxsus islom bilim yurtida Rasululloh sollallohu alayhi vasallam tavallud topgan oy munosabati bilan tadbir bo‘lib o‘tdi. 

Tadbirda bilim yurti mudiri Abdulaziz Bobamirzaev, bilim yurti o‘qituvchi-mudarrislari, xodimlari va 1-2-kurs talabalari ishtirok etdilar. 

Kirish so‘zida Abdulaziz Bobamirzaev muborak Rabi’ul avval oyi ya’ni Rasululloh sollallohu alayhi vasallam tavallud topgan oy haqida so‘z yuritib, bu oyda barchalarimiz olamlar sarvari, butun insoniyatga oxirzamon payg‘ambari qilib yuborilgan Muhammad alayhissalomning siyratlarini, hayotlarini yanada kengroq o‘rganish, har bir amalimizda u zotga ergashish lozimligi haqida hamda hozirgi kunda O’zbekiston musulmonlari idorasi raisi, muftiy Shayx Nuriddin Xoliqnazar hazratlari  tashabbuslari bilan e’lon qlingan “Olamlarga rahmat payg’ambar”  nomli siyrat tanlovi va unda faol ishtirok etish barasida aytib o‘tdi. 

So‘ng bilim yurti mudarrisi Qayumov Savfatulloh so’z olib, ishtirokchilarga Payg‘ambar sollallohu alayhi vasallamning siyratlari, xulq-atvorlari haqida so‘z yuritib, “Buyuk xulq sohibi”, “Olamlarga rahmat payg‘ambar” mavzularida batafsil ma’lumotlar berdi.

Tadbir yakunida shodiyona munosabati bilan tayyorlangan sovg’alar va shirinliklar ustoz va talabalarga ulashildi.
 

Bilim yurti matbuot xizmati