Bu - sunnatdir!

Xalqimizda ajoyib odat bor. Farzand gapira boshlagan paytda taom yeyishni "Bismillah" deb boshlash va harakatlarini o'zi nazorat qila oladigan yoshga yetganida esa uni o'ng qo'l bilan yeyishni hamda bir idishda ko'pchilik taomlanayotgan bo'lsalar, o'zini oldidan taomlanishni o'rgatadilar. Bu esa Rosululloh sollallohu a'layhi vasallamning biz ummatlarga ta'lim bergan eng go'zal sunnatlaridan biridir.
Doktor Muhiddin Muhammad Avvoma o'zlarining qisqa, sahih hadislar to'plami bo'lmish "Javom'e al-kalim" kitoblarida ushbu hadisni keltiradilar:

عن عمر بن أبي سلمة قال: كنتُ غُلاما في حَجْرِ رسول الله صلى الله عليه وسلم ، وكانتْ يَدِي تَطِيشُ في الصَّحْفَة، فقالَ لِي رسول الله صلى الله عليه وسلم : «يا غُلامُ، سمِّ اَلله، وكُلْ بِيَمِينِك، وكُلْ ممَّا يَلِيكَ»
رواه البخاري ومسلم 

Umar ibn Abu Salama roziyallohu anhudan rivoyat qilinadi, u kishi aytadilar:

Men Rosululloh sollallohu a'layhi vasallamning qarmog'laridagi bola edim. Qo'lim tovoq atrofida borib-kelar edi. Shunda u zot sollallohu a'layhi vasallam menga:
"Ey bolakay! Bismillah degin, so'ng o'ng qo'ling bilan, o'z oldingdan yegin!" dedilar.
Buxoriy va Muslim rivoyat qilganlar.

O'rinboev Abdurahmon

“Hidoya” oʻrta maxsus islom bilim yurti talabasi