Эҳром ва унга тегишли ҳукмлар

Эҳром ва унга тегишли ҳукмлар

وإذا أردت أن تحرم فتوضّأ والغسل أفضل والبس إزارًا ورداءً جديدين أو غسيلين وتطيّب

Эҳромга киришни истасанг таҳорат оласан. Ғусл қилганинг яхшироқдир. Ювилган ёки янги изор ва ридо киясан ва хушбўйлик суртасан.

وصلّ ركعتين وقل اللهمّ إنّي أريد الحجّ فيسّره لي وتقبّله منّي

Сўнгра икки ракат намоз ўқийсан ва “Эй Аллоҳ мен ҳаж қилишни мақсад қилдим, менга уни осон қил ва мендан қабул эт”, дея дуо қиласан.

ولبّ دبر صلاتك تنوي بها الحجّ، وهي لبّيك اللهمّ لبّيك لبّيك لا شريك لك لبّيك، إنّ الحمد والنّعمة لك والملك لا شريك لك

Намоз ортидан ҳажни ният қилиб талбия айтасан. Талбия қуйидагичадир: “Лаббайкаллоҳумма лаббайк, лаббайка лаа шарика лака лаббайк. Иннал ҳамда ван-ниъмата лака вал-мулк. Лаа шарика лак”. Маъноси: “Лаббай Аллоҳим, лаббай! Сенинг шеригинг йўқ, лаббай! Албатта, мақтов, неъмат ва мулк Сеникидир. Сенинг шеригинг йўқ”.

وزد فيها ولا تنقص

Бунга зиёда қилишинг мумкин, лекин ундан камайтирмайсан.

فإذا لبّيت ناويًا فقد أحرمت فاتّق الرّفث والفسوق والجدال وقتل الصّيد والإشارة إليه والدّلالة عليه

ولبس القميص والسّراويل والعمامة والقلنسوة والقباء

Сен ният билан талбия айтганингда эҳромга кирган бўласан. Энди, сен шахвоний амал, гуноҳ иш ҳамда низо-жанжал қилишдан ва ов ҳайвонларини ўлдириш, уларни овчига ишора қилиш ва кўрсатишдан, тикилган кўйлак, иштон, салла, дўппи ва чакмон кийишдан сақланасан.

والخفّين إلّا أن لا تجد النّعلين فاقطعهما أسفل من الكعبين

Шиппак топа олмасанг, махсини тўпиқдан пастини кесиб кийишинг мумкин.

والثّوب المصبوغ بورسٍ أو زعفرانٍ أو عصفرٍ إلّا أن يكون غسيلًا لا ينفض

Варс(Яманда ўсадиган кунжутсимон ўсимлик), заъфарон, усфур(ёввойи заъфарон) каби ўсимликлар билан бўялган кийим кийишдан (сақланасан), агар бўялган кийим ювилган ва ўсимлик ҳиди келмайдиган бўлса уни кийиш мумкин.

وستر الرّأس والوجه وغسلهما بالخطميّ ومسّ الطّيب وحلق رأسه وقصّ شعره وظفره

Бош ва юзни ёпиш, уларни хитмий(доривор гулхайри) билан ювиш, хушбўйликни ушлаш, соч ва тукларни қириш ёки қисқартириш ҳамда тирноқларни олишдан сақланасан.

لا الاغتسال ودخول الحمّام والاستظلال بالبيت والمحمل وشدّ الهميان في وسطه

Ғусл қилиш, ҳаммомга кириш, бино ёки соябон билан сояланиш ва белга ҳамён тақиб олиш мумкин.

وأكثر التّلبية متى صلّيت أو علوت شرفًا أو هبطت واديًا أو لقيت ركبًا وبالأسحار رافعًا صوتك بها

Қачон намоз ўқисанг, баландликка кўтарилсанг, водийга тушсанг, карвонга йўлиқсанг, тонг оттирсанг баланд овозда талбия айтишни кўпайтирасан.

وابدأ بالمسجد بدخول مكّة وكبّر وهلّل تلقاء البيت ثمّ استقبل الحجر الأسود مكبّرًا مهلّلًا مستلمًا بلا إيذاءٍ

Маккага киришинг билан аввал масжиддан бошлайсан. Байтуллоҳ рўпарасида  такбир, таҳлил айтасан. Сўнгра такбир таҳлил айтган ҳолда Ҳажарул Асвад томон юзланасан вабировга озор бермасдан уни истилом қиласан.

وطف مضطبعًا وراء الحطيم آخذًا عن يمينك ممّا يلي الباب سبعة أشواطٍ ترمّل في الثّلاثة الأول فقط

Сўнг масжид эшигига ўнг томонингни қилиб, изтибоъ(ўнг елкани очиб, ридони ўнг қўлтиқ остидан ўтказган) ҳолда Ҳатийм ташқарисидан етти марта тавоф қиласан. Аввалги учтасида рамл (шахдам қадамлар билан елкаларни ҳаракатлантириб полвон юриш) қиласан.

واستلم الحجر كلّما مررت به إن استطعت واختم الطّواف به وبركعتين في المقام أو حيث تيسّر من المسجد

Ҳар сафар Ҳажарул-Асвадни олдидан ўтганда, имкон қилсанг, уни истилом қиласан. Тавофни ҳажарул-асвад рўпарасида тугатасан. Мақоми Иброҳимда ёки масжид ичида қодир бўлган жойингда икки ракъат намоз ўқийсан.

Саминов Азамхон

Таълим муассасаси ўқитувчиси