Илмга тарғиб қилувчи оятлар..

Аллоҳ таоло илмни улуғлаб, унинг аҳамиятини баён қилган.

Қуйида баъзиларини келтирамиз:

1. Қуръонда илм аҳамияти

اللَّهُ يَرْفَعِ الَّذِينَ آمَنُوا مِنكُمْ وَالَّذِينَ أُوتُوا الْعِلْمَ دَرَجَاتٍ

“Аллоҳ сизлардан иймон келтирганларни ва илм берилганларни (бошқалардан) даражалар билан юксалтирур.” (Мужодала, 11)

Бу оятда илмли киши Аллоҳнинг наздида юқори мақомга эга бўлиши таъкидланган.

2. Илм билан амал қилиш ҳақида

قُلْ هَلْ يَسْتَوِي الَّذِينَ يَعْلَمُونَ وَالَّذِينَ لَا يَعْلَمُونَ

“Айт: Биладиганлар билан билмайдиганлар баробар бўладими?” (Зумар, 9)

Билган одам билан билмаган одам орасида катта фарқ борлиги баён қилинмоқда.

3. Илм талаб қилишга далолат

وَقُل رَّبِّ زِدْنِي عِلْمًا

“(Эй Муҳаммад) айтинг: Роббим, илмимни зиёда қилгин!”. (Тоҳа, 114). Расулуллоҳ ﷺга илм сўраб дуо қилиш буюрилган.

4. Қуръон илм манбаи
وَتِلْكَ الْأَمْثَالُ نَضْرِبُهَا لِلنَّاسِ وَمَا يَعْقِلُهَا إِلَّا الْعَالِمُونَ

“Биз бу мисолларни одамлар учун келтирамиз, аммо уларни фақат олимларгина тушунади.” (Анкабут, 43). Илм эгаларигина Қуръондан ҳақиқий фойда олади.

5. Илмсиз амалнинг зарари

 وَلَا تَقْفُ مَا لَيْسَ لَكَ بِهِ عِلْمٌ

“Сенга илм берилмаган нарсанинг ортидан юрма (билмай туриб гапирма, иш қилма).” (Исро, 36). Билимсиз амал қилишдан қайтарилмоқда.

Қуръонда илмга тарғиб, унинг фазилати ва илмсизликнинг зиёнлари кўп марта зикр қилинган. Илм инсонни Аллоҳга яқинлаштиради, жаҳолат эса гумроҳликка етаклайди.

Қаюмов Софватуллоҳ

таълим муассасаси ўқитувчиси