Имтиҳонлар куни аниқ бўлди.

Пандемия шароитида мамлакатимизда коронавирус инфекцияси тарқалишини олдини олиш мақсадида Ўзбекистон Республикаси Президенти томонидан 2020-2021 ўқув йили учун қабул имтиҳонларини очиқ майдонларда ўтказиш бўйича кўрсатма берилди.

Ўзбекистон мусулмонлари идораси тасарруфидаги "Ҳидоя" ўрта махсус ислом таълим муассасасида қабул имтиҳонлари Давлат тест маркази томонидан Наманган шаҳри, 5-кичик туманидаги Навбаҳор-умид стадиони ҳудуддаги очиқ майдонда ўтказилиши белгиланди.

Тест синовлари 2020 йил 16 сентябрь куни 17:00 да бошланади. Абитуриентлардан тест синовлари ўтказиладиган ҳудудларга соат 15:00 да паспорт ва ДТМ рухсатномаси билан келишлари талаб этилади. 

Эслатиб ўтамиз, мазкур ҳужжатлардан бири бўлмаган тақдирда, абитуриент тест синовларига киритилмайди. 

 Абитуриентлар карантин талабларидан келиб чиққан ҳолда қуйидаги тартибда тест синовларига киритилади:

- дизенфекция тоннелидан ўтказилади;

- тана ҳарорати масофадан ўлчаш қурилмаси орқали ўлчанади;

- тиббий ниқоб ва қўлқоп билан таъминланади.

 ДТМ рухсатномасини қай тартибда олиш бўйича қўшимча маълумот берилади.

"Ҳидоя" ўрта махсус

ислом билим юрти,

қабул ҳайъати