Tavhidning qismlari

Tarixdagi barcha payg`ambarlar unga chaqirgan va barcha kitoblar u sababli nozil bo`lgan tavhid ikki turlidir:

Birinchisi: Tanishlik va isbot qilishlikdagi tavhidi. Bu tavhidning yana bir atalishi «Rububiya va ism-sifatlar tavhidi» bo`lib, u Robbi taolo zotining haqiqatini isbotlashlik va Allohni O`z ism-sifatlari va fе'llarida yagona dеb bilishlikdir.

Bu tavhidning umumiy ma'nosi esa, har bir banda Alloh taoloni:

1.  yagona;
2.  mana shu koinotning yakka-yu yolg`iz boshqaruvchisi;
3.  podshohi;
4.  yaratuvchisi va parvardigori;
5.  O`z zotida, ism-sifatlarida, fе'llarida barkamol;
6.  barcha narsalarni Biluvchi;
7.  barcha narsalarni ihota qiluvchi;
8.  barcha mulk Uning qo`l ostida;
9.  har narsaga Qodir;
10.  barcha go`zal ismlar va oliy sifatlar sohibi dеb tan olishi va aniq bilishidir. 
    
    Alloh taolo:

 «Biron narsa U zotga o`xshash emasdir. U eshitguvchi va ko`rib turguvchidir» (Shuro: 11), dеdi.

(davomi bor…)

Xoshimov Nuriddin