Етти мингта яхшилик

“Жим туришликда 7 минг та яхшилик бор. Уларнинг ҳаммасини 7 калимада жам бўлди:

1.  Жим туришлик – чарчоғи йўқ ибодат
2.  Жим туришлик – безаксиз зийнат
3.  Жим туришлик – давлатсиз ҳайбат
4.  Жим туришлик – деворсиз қўрғон
5.  Жим туришлик – бировларга узр айтишдан беҳожатлик
6.  Жим туришлик – яхши ва ёмон амал ва сўзларни ёзиб борувчи фаришталарга роҳат
7.  Жим туришлик – айбларни беркитувчи ва олим учун зийнат, жоҳилдан пардадир”.

ҲИКОЯТ: Луқмон ҳаким ҳабаший бир қул эдилар. У кишидан биринчи ҳикматнинг кўриниши мана бу ҳолда юз берган эди. Бир куни хўжайинлари: “Эй ғулом, бизга бир қўйни сўйиб, энг маззали икки жойидан келтиргин”, деди. У киши қўйни сўйиб, юраги билан тилини олиб келди. Кейин: “Қўйнинг энг ёмон жойидан келтиргин” деганида, яна бир қўй сўйиб, юраги билан тилини келтирдилар. Буни кўриб ҳайратланган хўжайинлари буни сабабини сўради. Луқмони Ҳаким айтдилар: “Жасадда бу икки парча гўштдан ширинроғи йўқ, агар иккови яхши бўлса, агар ёмон бўлса, икковидан аччиқроқ нарса йўқ”

Муҳаммад Нажмиддинов
"Ҳидоя" ўрта махсус
ислом билим юрти ходими