Дуо ижобати...

Иброҳим ибн Адҳам Басра бозорларидан бирининг ёнидан ўтди. Ва инсонлар у  кишига: 
“Эй Абу Исъҳоқ! Албатта Аллоҳ таоло айтадики: 

[…ادعُونِيٓ اسْتَجِبْ لَكم…] 

менга дуо қилинглар, ижобат қиламан деди. (Ғофир сураси 60-оят)

Биз дуо қиляпмиз, лекин у ижобат қилмаяптику!?“ дейишди.

Шунда Иброҳим ибн Адҳам: “Чунки сизлар 10та нарса билан машғулсиз бўлиб қолгансиз:

1-Аллоҳни танийсизлар, (лекин) ҳаққини адо қилмайсизлар!

2-Қуръон ўқийсизлар, (лекин) унга амал қилмайсизлар!

3-Росулаллоҳ(с.а.в)ни яхши кўришингизни даъво қиласизлар, (лекин) суннатларига амал қилмайсизлар!

4-Шайтон сизларга душман эканини айтасизлар, (лекин) уни дўст тутасизлар!

5-Жаннатни яхши кўришингизни айтасизлар, (лекин) унга (муносиб бўлишлик учун) амал қилмайсизлар!

6-Жаҳаннамдан қўрқишингизни айтасизлар, (лекин) ундан сақланишга урунмайсизлар!

7-Ўлим ҳақ эканини айтасизлар, (лекин) унга тайёргарлик кўрмайсизлар!

8-Инсонларни айблари билан машғул бўласизлар, (лекин) ўзларингизни айбларингизни қолдирасизлар!

9-Аллоҳнинг неъматлари билан тўлиб-тошасизлар, (лекин) уни шукрини адо этмайсизлар!

10-Ўликларни кўмасизлар, (лекин) уларга эътибор қилмайсизлар!“ дедилар.

Муҳамма Абдуллоҳ Бобамирзаев

Ҳидоя ўрта махсус ислом билим юрти талабаси