Hajning hukmi

Hajning shartlari jamlangan har bir kishi uchun umrda bir marta haj qilmoq ijmo ila farzdir. 

Hajning farzligiga Qurondan dalil: “Odamlardan yo`lini topganlariga Alloh uchun baytni haj qilmoq burchdir”. (Oli Imron 97) 

Hajning farzligiga sunnatdan dalil: Payg`ambar salallohu alayhi va sallamdan rivoyat qilindi: U zot aytdilar: “ey insonlar batahqiq sizlarga haj farz qilindi, bas haj qilinglar” shunda bir kishi: ey Allohni Rosuli har yilimi? Payg`ambar alayhissalom (zajran) sukut qildilar. U kishi shu savolni uch marta takrorladi. Payg`ambar alayhissalom: “agar ha dеsam batahqiq (har yilda) vojib bo`lib qoladi va hargiz (har yilda haj qilishga) qodir bo`lolmaysizlar”. Muslim rivoyati

Boshqa bir rivoyatda Payg`ambar alayhissalom: “haj (umrda) bir martadir. Kim ziyoda qilsa, u nafldir” dеdilar.

Abdullayev Azimjon

“Hidoya” o'rta maxsus
islom bilim yurti mudarrisi