“Muxtasar yodlagan talabalarga shartnomasi to’lab berildi”

“Hidoya” o’rta maxsus islom bilim yurtida 2022-2023-o’quv  yili mart-iyun oylarida barcha talabalar o’rtasida o’tkazilgan “Muxtasar-al-Viqoya” kitobidan boshidan boshlab, ya’ni, poklik kitobidan to nikoh kitobigacha beshta faslni bir martada yodlab berib 1-o’rinni egallagan bilim yurti 48-guruh talabasi Ibrohimjonov Biloliddin Kamoliddin o’g’li bilim yurti tomonidan maqtov yorlig’i va 2023-2024-o’quv yili uchun bir yillik shartnoma to’lovi sertifikati bilan taqdirlandi.

Bundan tashqari ushbu shartni bajarib 2-o’rinni egallagan 49-guruh talabasi Mahamov Muhammadqodir Isroil o’g’liga 6 oylik shartnoma to’lovi sertifikati berildi. Ushbu talabalar “tahorat, namoz, ro’za, zakot va haj kitoblarini mas’ul ustozga to’liq yodlab o’tkazishdi.

Ushbu talabalarga maqtov yorlig’i va sertifikatni bu yilgi o’qish kunining avvalida barcha talaba va ustozlar guvohligida bilim yurti mudiri A. Bobamirzayev tomonidan topshirildi. Musobaqa har yili o’tkazib kelinadi. Bu yilgisi ham bahor oylarida tashkillashtiriladi.

“Hidoya”o’rta maxsus islom bilim yurti 

o’qituvchisi Yusufxon Shodiyev