“Yil kitobxoni” taqdirlandi...

Kitob inson ma’naviyatini yuksalishida, komillik sari qadam qo’yishida eng katta yo’lboshchidir. Shu sababli doimo mutolaa bilan mashg’ul bo’lish kishida ulkan foydalar sari yo’l ochiladi. Natijada fikri teranlashadi, dunyoqarashi kengayadi. Shaxs sifatida unib-o’sadi. Bunga davlat siyosati darajasida bo’lgan e’tibor, inson zavqini yanada oshiradi. Prezidentimizning “Yoshlarni kitob bilan hamnafas bo’lib yashashi” ga undashlari kelajak sari qo’yilgan muhim qadamdir.

O’zbekiston respublikasi vazirlar mahkamasining 2020 – 2025-yillarda kitobxonlik madaniyatini rivojlantirish va qo’llab quvvatlash milliy dasturi hamda “Yoshlar bo’sh vaqtini kitob bilan band qilish” maqsadida O’zbekiston Musulmonlari idorasi “Hidoya” o’rta maxsus bilim yurtida 2022-2023-o’quv yili oktyabr-iyun oylarida barcha talabalar “oy kitobxoni” tanlovi o’tkazildi.

Musobaqa shartlariga ko’ra har kuni darslikdan tashqari belgilangan miqdorda qo’shimcha arabiy kitob o’qish vazifa qilib belgilandi. G’oliblarni aniqlash maqsadida bilim yurti tomonidan maxsus hay’at tuzilib g’olib aniqlandi. Yillik umumiy natijalar hisoblanga hammadan yuqori natijani qayd etgan xozirda 49-guruh 3-kursda tahsil olayotgan Karimov Kamoliddin faxrli 1-o’rinni egallab g’oliblikni qo’lga kiritdi.

Karimov Kamoliddin yil davomida “Min kunusiz sunna”- Aliy Sobuniy, “Adabu tolib”- Anaz Karziy, “Qiymatuz zamon indal ulamo”- Abdul Fattoh Abu G’udda, “Ayyuhal valad”- Imom G’azzoliy, “Sofvatut tafosir”- Sobuniy, “Ya ibni”- Ali Tantoviy, “Suvar min hayoti sahoba”- Rofat posho, “Xotamun nabiyyin”- Nadaviy, “Qotrun nada va ballis sado”- Ibn Hisham, “Tasavvuf va suluk”- Ahmad Naqshbandiy, “Adabu muallim va mutallim mufti va mustafti”- Imom Navaviy, “Ar-rosulu muallim”- Abdul Fattoh Abu G’udda, “Tarixu islam”- Nadaviy, “Tibyan”- Imom Navaviy, “Riyozus solihiyn sharhi nuzhatul muttaqiyn”- Imom Navaviy, “Fiqhul hanafiy”- Ashraf Aliy Taxonaviy, “Nahvu tatbiqiy”- Xolid Abdulaziz kabi 40 ga yaqin kitobni tamomlab, jami 5000 betdan oshiq kitob o’qidi.

Yangi 2023-2024-o’quv yili boshida Karimov Kamoliddin bilim yurti tomonidan martov yorlig’i va bir million so’m pul mukofoti bilan taqdirlandi. Musobaqa bu o’quv yiida ham davom etadi.
 

“Hidoya” o’rta maxsus islom bilim yurti 
   o’qituvchisi Yusufxon Shodiyev

“Hidoya” o’rta maxsus islom bilim yurti 

ARM mudiri Muhammad Ali Kattabayev