“Ustoz va murabbiylar kuni”

1 oktyabr “Ustoz va murabbiylar kuni” bayrami munosabati bilan bilim yurtida amalga oshiriladigan asosiy tadbirlar rejasi tuzib chiqildi. 

Tuzilgan ish rejaga muvofiq joriy yilning 30 sentyabr kuni “USTOZLARGA EHTIROM” mavzusida tadbir  o‘tkazildi. 

Tadbirda bilim yurti o‘qituvchilari, xodimlari va talabalari ishtirok etdilar. 

Tadbirni bilim yurti xodimi Abdurashidov Abdulvahhob olib bordi. Notiq o‘z so‘zida tadbir ishtirokchilari ustoz va murabbiylarni 1-oktyabr ustoz va murabbiylar kuni bilan tabriklab,  so‘zni bilim yurti mudiri Abdulaziz Bobamirzayevga berdi. A.Bobamirzayev o‘z so‘zida tadbir ishtirokchilarini xususan, ta’lim jonkuyarlari, mehribon ustozlarni bayram bilan muborakbod etdi. 

Notiq so’zining davomida O‘zbekiston Respublikasi Prezidentining bayram tabirigi hamda O‘zbekiston musulmonlari idorasi raisi, muftiy Shayx Nuriddin Xoliqnazar hazratlarining diniy ta’lim muassasalari rahbarlari, o‘qituvchilari va murabbiylariga yo‘llagan bayram tabrigi o‘qib eshittirildi.

Tadbir davomida ustoz va murabbiylarni e’zozlash, ularni hurmat qilish to‘g‘risida Qur’oni karim va hadis shariflardan misollar keltirdi.

 Tadbirda so‘z olgan talabalardan 4-kurs 46-guruh talabasi Shakimov Atabek, 3-kurs 48-guruh va 49-guruh talabalari Tojihaydarov O’tkir va Mavlanov Shohjahonlar ustozlarga hurmat, ustozlarni ulug‘ligi to‘g‘risidagi o‘z dil izhorlarini, o’z ijodlari namunasi bo’lgan she’rlarni o‘qib berdilar.

Bayram munosabati bilan bilim yurti yoshlar bilan ishlash, ma’naviyat va ma’rifat bo’limi boshlig’i Rivojiddin Nasriddinovning “Ustozlarni ehtirom qilish vojibdir!” mavzusidagi maqolasi www.hidoya.uz saytida nashr etildi. 

 Bayram bilim yurtida mudarris va talabalar ishtirokida keng nishonlandi va ko‘tarinki ruhda o‘tkazildi. 

Tadbir so’ngida 4-kurs talabalarini bilim yurtining jonkuyar ustoz va xodimlariga bayram munosabati bilan estalik sovg’alarini topshirishdi hamda tadbir so’ngida ustozlarga  bayram dasturxoni tashkil qilindi.

Bilim yurti matbuot xizmati