“Muqaddasdir Vatan bayrog’i”

Joriy yil 17-noyabr kuni “Hidoya” o‘rta maxsus islom bilim yurtida mudarris va  talabalar o‘rtasida davlatimiz ramzi bo‘lmish  bayrog‘ini 32-yilligiga bag‘ishlangan “Muqaddasdir Vatan bayrog’i” va “Shuhrating porlasin toki bor jahon” mavzusida tadbir bo‘lib o‘tdi. Tadbirni yoshlar bilan ishlash, ma’naviyat va ma’rifat bo’limi boshlig’i R.Nasritdinov talabalarga O‘zbekiston Respublikasining Davlat bayrog‘i  to‘g‘risida malumot berdi. 

O‘zbekiston Respublikasining Davlat bayrog‘ining  butun uzunligi bo‘ylab o‘tgan to‘q moviy rang, oq rang va to‘q yashil rangli uchta endan tarkib topgan to‘g‘ri to‘rtburchak shaklidagi matodir.O‘zbekiston Respublikasi Davlat bayrog‘ining uzunligi 2 metr 50 santimetrga,  kengligi 125 santimetrga teng. Moviy rang, oq rang va yashil rangli enlarning kengligi bir xil. Har bir en 40 santimetrga tengdir. O‘zbekiston Respublikasi Davlat bayrog‘ining o‘rtasidagi oq rangli enning chetlaridan kengligi 2,5 santimetrga teng qizil hoshiyalar o‘tkazilgan. 

O‘zbekiston Respublikasi Davlat bayrog‘ining yuqori qismidagi moviy rangli enning yuz tomoni va orqa tomonida dastaga yaqin joyida oq rangli yangi oy va uning yonida o‘n ikkita oq rangdagi besh qirrali yulduz tasvirlangan.

Oq rangli yangi oy va o‘n ikkita oq rangli besh qirrali yulduzning tasviri moviy rangli yuqori enining o‘rtasidan 70x30 santimetrga teng to‘g‘ri to‘rtburchakka sig‘adigan qilib joylashtirilgan. 

Bilim yurti matbuot xizmati