Ta'lim muassasasida xatm kutub qilindi...

Kitob inson ma’naviyatini yuksaltiruvchi, uni ezgu maqsadlarga chorlovchi yo’ldoshidir. Kitob orqali inson yurar yo’lini yoritadi, u bilan bir umr hamroh bo’lib yashaydi. Ana shunday maqsadlarni ko’zlab,talabalar bo’sh vaqtlaridan unumli foydalangan holda “Hidoya” islom ta’lim muassasasida talabalar bilan asosiy darsdan tashqari vaqtlarida qo’shimcha to’garaklar tashkil etilgan.

Ta’lim muassasa ustozlari tomonidan asosiy darslik fanga qo’shimcha tarzda fanga doir boshqa adabiyotlarni ham talabalar bilan mutolaa qilish va fanni o’quvchilar yanada chuqurroq egallashlari uchun barcha sharoitlar yaratilgan. Mana shu an’anani davom ettirgan holda ta’lim muassasasida xatmi kutub (kitoblarni oxirigacha o’qib tugatish)qilindi.

Unda ta’lim muassasasi fiqh fani o’qituvchisi Akramjon Ismoilov  rahbarligida 55-guruh 2-kurs talabalari Hasan ibn Ammor Shurunbuloliyning “Nurul izoh” kitobini boshidan oxiriga qadar arabiy matni o’qib tarjima qilib tugatildi. Ushbu jarayon 2024-yil oktyabr oyida boshlangan bo’lib, sakkiz oy davomida o’qilib, 2025-yil iyun oyi boshida yakuniga yetkazildi. Kitobni tugatish jarayonida ta’lim muassasasi direktori Qobiljon domla Mirzabayev va o’quv ishlari bo’yicha mudir o’rinbosari-S. Madmusaev, o’qub uslubiy bo’lim boshlig’i A.Tursunov va ta’lim muassasa ustozlari ishtirok etishdi. Unda kitobning oxirgi sahifasi talabalar tomonidan o’qilib ustozlar guvohligida yakun yasaldi.

Ta’lim muassasasi katta ustozi Azimxon domla Abdullaev “Nurul izoh” kitobi haqida fikr bildirib; unda ko’plab furu’ masalalari joy olgani, tushunish va tatbiq etishga juda qulay yoritilganinie’tirof qilib o’tdi. Umuman ustoz hamrohligida bir kitobni tugatish kata natija ekani, ayniqsa, kelgusidaimomlik faoliyatida asqotishi ta’kidlab o’tildi. Tadbir so’nggida esa bu xatmi kutub boshqa kitoblar tugatilishi uchun debocha bo’lishini tilab ustozlarning xayrli duolari yakunlandi.

Akramjon Ismoilov

“Hidoya” o’rta maxsus islom
ta’lim muassasasi o’qituvchisi