“Jabaraliyev Sardorbek va Ellikboyev Xusanxon NOYABR OYI kitobxoni”
Inson tafakkurining mahsuli bo’lgan nutq doimo insonning foydasiga yoki zarariga xizmat qiladi. Qachonki u rostni so’zlab, haqda turar ekan sohibini mavqesini oshiradi. Ongimiz agar foydali narsalar bilan to’lgan bo’lsa, hayolimiz ham shunday narsalar ila mashg’ul bo’ladi. Bu borada kitob mutolaasi maqsad sari ayni muddao.
O’tgan oyda bilim yurtimizda talabalar o’rtasida boshlangan qo’shimcha arabiy kitob o’qish musobasi bu oyda ham davom etdi. Bu oyda shartga ko’ra har kuni darslikdan tashqari qo’shimcha olti bet kitob o’qish kerak edi va bu shartni bir necha talabalar orasidan Ellikboyev Xusanxon, Jabaraliev Sardorbek va Mamajonov Musoxonlar to’liq bajarishdi. Ammo, shartga ko’ra bulardan 2-kurs 45-guruh talabasi Jabaraliev Sardorbek birinchi bo’lib shartni bajargani sababli g’oliblikni qo’lga kiritdi.
Noyabr oyida eng ko’p kitob mutolaa qilgan talaba nomiga esa o’tgan oyda bo’lgani kabi bu oy ham 3-kurs 44-guruh talabasi Ellikboyev Xusanxon sazovor bo’ldi. Bu borada yuqori uchlik quyidagicha
- Ellliboyev Xusanxon 3-kurs 44-guruh
- Nishonov Ubaydulloh 3-kurs 44-guruh
- Jabaraliev Sardorbek 2-kurs 45-guruh.
Har ikki yo’nalishda g’olib bo’lgan barcha talabalar bilim yurti rahbariyati tomonidan moddiy mukofot bilan taqdirlandilar. Biz barchani ushbu musobaqada yanada faol bo’lishga chorlaymiz. Musobaqa o’quv yili yakuniga qadar davom etadi. Yil yakunida umumiy xisoblanib g’olib e’lon qilinadi. G’olib bo’lish uchun hammada imkoniyat mavjud. Shunday ekan fursatni qo’ldan boy bermang!
Yusufxon Shodiev
“Hidoya” o’rta maxsus
islom bilim yurti o’qituvchisi
